RAGAM RAGAM NI UMPASA / UMPAMA

I.   DAKDANAK NA BARU SORANG / ANAK LAHIR

  1. Bintang na rumiris
    Ombun na sumorop
    Anak pe riris
    Boru pe torop
  2. Tangki jala walang
    Galinggang jala garage
    Sai tubu ma anak partahi jala ulubalang
    Dohot boru par mas jala par eme.
  3. Di ruma ma pongki bahul – bahul pansalongan
    Di ruma ma tondi sai ro ma panamotan.
  4. Dangka ni hariara tanggo pinangait – aithon
    Simbur magodang ma ibana tongka panahit – nahiton.
  5. Tiur ma songon ari
    Rondang ma songon bulan
    Panggabean parhorason di hite on tu jolo an on.
  6. Tubu lata di toru ni bunga – bunga
    Sai tubu ma di hamu angka anak na marsangap
    Dohot boru na martua.

II.   TARDIDI

  1. Dangka ni bulu godang pinangait – aithon
    Sai simbur magodang ma ibana mamboan goar i,
    Tongka panahit – nahiton.
  2. Dangka ni hariana tanggo pinangait – aithon
    Dao ma angka mara dao nang pe panghorditon.
  3. Ijuk ma tarup ni sopo godang
    Basbason tarup ni sopo balian
    Sai simbur ma ibana antong laho magodang
    Pengpeng laho matua jala dao ma parsahiton.
  4. Tombak ni janjimaria
    Hatubuan ni situlan
    Nunga sahat hata na uli
    Saut ma i di pasahat Tuhan
  5. Tubu ma tambisu
    Di dolok ni sipoholon
    Sai gabe anak na bisuk
    Anak sipatujoloon

III.   MALUA MANGHATINDANGKON HAPORSEAON

  1. Aha na ni ida dibungkulan ni sopo
    Adong ma na ni ida asar ni si logologo
    Aha na ni ida asa lao tu Bagas joro
    Adong ma na ni ida dao arsak dohot holso
  2. Di topi ni huta, disi tubuan lata
    Manang tudia pe hita, disi do Debata.
  3. Mangiamun tu peanajagar,
    Mangambirang tu parbubu
    Angka anak sioloi ajar,
    Suruon ma i tangkas marguru.
  4. Parangehon ma hata ni Debata
    Naginuruhon mi
    Ai ido hangoluanmu.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: